Category: O level Shona

Vadzidzi ve shona pa o level vanotarisirwa kunge vachigona kutsanangura nzira dzakasiyana-siyana dzokuumba mibvunzo nekupa mienzaniso yemibvunzo yacho.Nzira dzekubvunza mibvunzo ndechimwe chezvidzidzwa chinowanikwa padanho re ‘0’ level muchishona.

Zviratidzanguva mazwi anoratidza nguva yekuitika kwezvinhu muchiito sekuti zvichanaka. /-cha-/ chiratidza nguva chechiito /-naka/.

Chidudzirachiito izwi rinodudzira, kutsanangura kana kujekesa chiito. Somuenzaniso, hazvina kunyatsokwana kungoti, Vakasvika, asi kuti, Vakasvika nezuro kana Vakasvika nambuya. Apa nezuro nanambuya ndiwo mazwi anodudziria chiito, Vakasvika.

Madonzo  ezviito  zvinoreva  kureva  zvakasiyana  kwechiito  zvichienderana nokushandiswa  kwachaitwa.  Donzo ndicho chinangwa chemutauri pakutaura chiito, sokuti chinangwa chekukurudzira, chekuudza nezvimwewo.

Zviito zvinogona kuvandurirwa kaviri kana kudarika. Mazwi anoti kubata,kudiwa na kupusa anogona kuvandurirwa sekuti kubatiswa, kupusiswa kana kudiswa.

Mudzi wechiito kana warebeswa unenge wawedzeredzwa zvekuti zvaunoreva zvinenge zvasiyana nekunge usati warebeswa.

Semwana ari kugadzirira bvunzo dze shona pa o level unotarisirwa kunge wokwanisa kupa maumbirwo echiito; kudoma nekutsanangura mhando yemidzi yezviito; kudoma nekushandisa rebeso dzezviito; kudoma nekutsanangura mhando dzezvidudzirazviito;  kudoma nekushandisa madonzo ezviito uye  kunyurura zviito zvinoenderana nedonzo rechiito rakapiwa. Panopera chinyorwa chinho unenge wave kuziva zvizere.

Vanyori vebvunzo dzechishona pa o level vanotasirwa kugona  kutsanangura kuti zvindori zvii;  kutsanangura maumbirwe ezvindori uye kugona  kuumba zvindori nemazwi akapiwa. Chindori chirevo chisina kushandiswa chiito.  

Chiitopauro zvinoreva chiito chinoshanda sechipauro. Saka chiitopauro izwi rechiito rinoshandiswa kusiyanisa zvinhu.